Það er ótrúlega mikilvægt að njóta "stóra dagsins" til hins ýtrasta. Þetta er dagurinn sem flestar stúlkur (og sumir strákar reyndar) eru búnar að bíða eftir alla sína ævi. En í öllu stressinu sem vill oft verða á þessum degi, þá gleymist oft að njóta hverrar mínútu. Það er algjört lykilatriði að skipuleggja sig vel. Ef eitthvað á eftir að gera þá verða brúðhjónin að senda einhvern til að redda hlutunum. Það getur eyðilagt svo mikið að vera með hlutina á síðustu stundu,og er gott að eiga ekkert annað eftir að gera en að láta dúlla og dekra við sig, í því formi sem hver og einn getur og vill. Fólk heldur nefnilega oft að það verði að gera allt sjálft, en það er misskilningur, og líka vantraust á fólkið í kringum mann. Aðstandendur vilja flestir leggja allt af mörkum til að hlutirnir gangi sem best upp, það eina sem þarf að gera er að biðja um hjálp.

Ekki gleyma

• Að sækja blómin
• Hver á að keyra hvern?!
• Að skreyta kirkjuna
• Að skreyta bílinn
• Gestabók og penna
• Glösunum ykkar (til að skála í)
• Að njóta þín og brosa J

Tékklisti fyrir brúði:

• Gefðu þér góðan tíma til að taka þig og ef þið ætlið að eyðabrúðkaupsnóttinni annars staðar þá þarf að hafa allt tilbúið sem þið takið með ykkur.
• Farðu í hárgreiðslu fyrst – og svo í förðun.
• Borðaðu næringarríkan og hollan mat, og drekktu mikið af vatni.
• Andaðu djúpt og slakaðu á.
• Brostu breitt – þú ert að fara að gifta þig!
• Svo það allra síðasta.....muna eftir morgungjöfinni!!

Höfundur: Guðbjörg Magnúsdóttir